Мөн хэрэглэгчид чөлөөт цагаа хэрхэн өнгөрүүлдэг, хэрхэн өнгөрүүлэх сонирхолтой байдгийг судалгааны хүрээнд тодорхойлсноос гадна судалгааны гол онцлог үр дүн болох хэрэглэгчийн амьдралын хэв маяг болон амьдралд өгч буй үнэ цэнэд нь тулгуурлан хэрэглэгчдийг 6-н сегментэд ангилан тодорхойлсон юм. Ингэснээр бизнесийн байгууллагууд өөрсдийн хэрэглэгчдийнхээ амьдралын хэв маягт тулгуурлан бүтээгдэхүүн үйлчилгээ, үйл ажиллагаагаа төлөвлөж хэрэглэгчидтэйгээ илүү ойр дотно байх нөхцлийг бүрдүүлэх давуу талтай байдаг.
Зах зээл хувьсан өөрчлөгдөхийн хирээр бизнесийн үйл ажиллагаанд аюул, боломжийн аль алиныг нь бий болгодог. Тиймээс маркетингийн удирдлагууд бизнесийнхээ гадаад орчинг тогтмол ажиглах мөн зах зээлийн боломжийг илүү сайн уялдуулах маркетингийн хольцыг сонгож, зах зээлийн нөхцөл байдалтай нийцүүлэн, үргэлж шинийг санаачлан ажиллах нь чухал юм.
