Өнөө цагт Англи хэлний мэдлэг бидний амьдралд алхам тутамд шаардагдах болжээ. Үүнийг дагаад ч Англи хэлний сургалтын төвүүд олширсон байна.
Манай компани Англи хэлний сургалтын үйлчилгээний зах зээлд тэргүүлэгч төвүүд болох “Absolute”, “Talk Talk English”, “Jet School of English”, “Santis” гэсэн дөрвөн сургалтын төвийн суралцагчдын сэтгэл ханамжийн судалгааг хийж гүйцэтгэлээ.
Уг судалгаанд нийт 500 суралцагчийг хамруулж, сургалтын төвийн сургалтын чанар, үйлчилгээнд өгч буй сэтгэл ханамжийн түвшинг илэрхийлэх 18 бүлгийн 93 үзүүлэлтээр суралцагчдын сэтгэл ханамжийн түвшинг тодорхойллоо. Мөн суралцагчдын үйлчилгээний холбогдох үзүүлэлтүүдэд сэтгэл ханамжтай болон сэтгэл ханамжгүй байгаа шалтгааныг тодруулахын тулд сургалтын төв тус бүрийн ерөнхий анги, IELTS болон TOEFL-ийн бэлтгэл ангиудад суралцагчдыг оролцуулан нийт дөрвөн фокус бүлгийн ярилцага зохион байгууллаа.
Судалгаанд тоон болон чанарын судалгааны хослолыг ашигласан нь сургалтын төвүүд өөрсдийн үйл ажиллагааны асуудалтай байгаа цэгүүдийг илрүүлж, улмаар суралцагчдынхаа тоог хадгалах, цаашлаад нэмэгдүүлэх боломжийг тодорхойлж өгсөн судалгаа болсон гэж бид дүгнэж байна.
— ХЭРЭГЛЭГЧИЙН СЭТГЭЛ ХАНАМЖИЙН СУДАЛГАА —
ҮЙЛ АЖИЛЛАГАА, БҮТЭЭГДЭХҮҮН, ҮЙЛЧИЛГЭЭНИЙ АСУУДАЛТАЙ БАЙГАА ЦЭГҮҮДИЙГ
ИЛРҮҮЛЭХ ЦОГЦ АРГА
