Бид сүүлийн 23 жилийн хугацаанд бизнесийн байгууллагын хэрэглэгчийн үнэлгээ, цаашид авч хэрэгжүүлэх арга хэмжээний санал, стратегийн шийдвэр гаргалтад тусалсаар ирсэн. Энэ удаад Монголын хамгийн том зайрмаг үйлдвэрлэгч компанийн захиалгаар хэрэглэгчийн зан төлөв, брэндийн үнэлгээ, цаашдын хэрэглээний хандлага, трендийг тодорхойлох цогц судалгааг амжилттай хийж гүйцэтгэлээ.
Тус судалгаа нь зайрмагийн одоогийн хэрэглээний түвшин, шинэ бүтээгдэхүүн хөгжүүлэлт, брэндийн байршуулалт, маркетингийн стратеги боловсруулахад захиалагчийг суурь мэдээлэл, хөндлөнгийн зөвлөмжөөр хангаж буйгаараа онцлог юм.
Судалгааны хүрээнд хэрэглэгчийн 5 сегментийг тодорхойлж, улмаар сегмент бүрийн хэрэглээний онцлог, брэндүүдийн ялгарал, тренд чиг хандлага, давуу болон сул талуудыг харьцуулан дүгнэж, цаашдын боломжит зах зээлийг тодорхойлсон юм.
