ММСС-гийн Мэргэжлийн боловсрол, сургалтын төслийн Санамсаргүй түүврийн аргаар сонгон элсүүлэх үйл ажиллагааг хэрэгжүүлэхээр сонгогдсон 10 МСҮТ-ийн элсэлтийн үйл ажиллагаа 3 жилийн хугацаатай хэрэгжсэн бөгөөд уг төсөл судалгааны ажлыг манай компани 3 жил дараалан гүйцэтгэж уг төслийн ажил амжилттай дууслаа. Энэ хугацаанд уг элсэлтээр нийт 13000 гаруй өргөдөл гаргагчийг бүртгэж, мэдээллийн санг бүрдүүлсэн байна. Гурав дахь жилийн буюу 2012-2013 оны хичээлийн жилийн элсэлтийн үйл ажиллагааг зохион байгуулах ажлын хаврын болон намрын элсэлтийн үйл ажиллагааг 2012 оны 4-р сарын 1-ээс 2012 оны 9-р сарын 30-ны хооронд 7 сар орчим хугацаанд амжилттай хийж гүйцэтгэлээ. Бидний зохион байгуулсан энэхүү үйл ажиллагаа нь төслийн цаашдын хэрэгжилтэнд бодитой хувь нэмэр болно гэж итгэж байна.
Уг төсөл судалгааны ажлын гүйцэтгэгч байгууллагаар сонгогдон ажилласан нь манай байгууллагын хувьд шинэ туршлага болсон бөгөөд байгууллагын чадавхийг нэмэгдүүлсэн нэгэн томоохон үйл ажиллагаа болсон гэж бид үзэж байна. Цаашид ММСС, Мянганы Сорилтын корпораци, Ядуурлыг бууруулах санаачлага төв (IPA) зэрэг байгууллагатай ажиллах хамтын ажиллагаа улам өргөжин тэлнэ гэдэгт итгэлтэй байна.
