Төлбөрийн карт хэрэглэгчдийн дадал зуршил, зан төлөв болон UNION PAY кaртын брэндийн имидж, маркетингийн үйл ажиллагааг хэмжих зорилготой судалгааг дэлхийн судалгааны тэргүүлэгч Nielsen компанийн Хятад улс дахь салбартай хамтран гүйцэтгэсэн юм. Nielsen компани нь 1923 онд үүсгэн байгуулагдсан АНУ-ын Нью Йорк хотод төвтэй, дэлхийн 181 улсад салбартай, 46 мянга орчим ажилтантай дэлхийн судалгааны салбарт тэргүүлэгч компани юм.
Судалгааны хүрээнд 18-54 насны дебет болон кредит карт идэвхтэй хэрэглэдэг нийт 200 иргэнээс тоон судалгааг авсан.
Монгол банкны 2019 оны статистик мэдээгээр Монгол улсад 3.7 сая гаруй карт бүртгэлтэй байгаа бөгөөд 1.8 сая орчим карт нь идэвхтэй ашиглагддаг байна. Төлбөрийн картуудын хувьд ₮ карт 77 хувь, UPI карт 13 хувь, Виза карт 9 хувь, бусад төрлийн картууд 1 хувийг тус тус эзэлдэг байна.
