Судалгааны байгууллагуудын дунд олон улсын хэмжээнд эхний 5-т жагсдаг судалгааны байгууллага болох IPSOS компанийн Чех улс дахь салбартай хамтран шар айраг хэрэглэгчдийн зан төлөв, хандлага болон шар айрагны цоо шинэ таван төрлийн концепцийг хэрэглэгчдээр үнэлүүлэх судалгааг амжилттай зохион байгууллаа.
Уг судалгааны хүрээнд 21-55 насны сард хамгийн багадаа нэг удаа шар айраг хэрэглэдэг, нийт 750 иргэнээс судалгааны мэдээллийг цуглууллаа. Эдгээр шар айрагны концепцийг хэрэглэгчдээр үнэлүүлэхдээ тусгайлан бэлтгэсэн танилцуулгыг судалгаанд оролцогчдод үзүүлэн таалагдаж буй эсэх, худалдаж авах сэдэл төрж буй эсэх, тухайн концепцийг гол илэрхийлэх тодорхойлолтуудаас аль нь хамгийн их таалагдаж байгаа, аль төрлийн савлагаа болон савлагааны хэмжээ нь илүү таалагдаж байгаа зэргийг судалгаанд оролцогчдоос тодруулсан.
