Сэтгэл ханамжтай хэрэглэгчид л таны үнэнч хэрэглэгчид байж, танай бүтээгдэхүүн, үйлчилгээг урт хугацаанд хэрэглэж, танд ашиг амжилтыг өгдөг. Тиймээс хэрэглэгчдийнхээ сэтгэл ханамжийн түвшинг тодорхой хугацааны давтамжтайгаар үнэлж дүгнэн, хэрэглэгчдийн санаа бодолд нийцсэн бүтээгдэхүүн, үйлчилгээг борлуулах нь бизнесийн байгууллагын гол зорилго байх ёстой.
Энэ удаа бид үүрэн телефон холбооны хэрэглэгчдийн сэтгэл ханамжийн судалгааг Улаанбаатар хот болон 12 хот, сум, суурингийн нийт 4700 хэрэглэгчдийг хамруулан явуулж үр дүнг нэгтгэн гаргаж, захиалагч байгууллагууддаа танилцууллаа. Хэрэглэгчдийн сэтгэл ханамжийн тоон үнэлгээний учир шалтгааныг илүү нарийвчлан гаргахын тулд чанарын судалгаа буюу 6 удаагийн фокус бүлгийн ярилцлагыг мөн хийсэн.
