Монголын Мянганы Сорилтын Сангаас техник, мэргэжлийн боловсролыг дэмжих зорилгоор Техник мэргэжлийн боловсрол, сургалтын төслийг хэрэгжүүлж байгаа билээ. Техник мэргэжлийн боловсрол, сургалтын төсөл нь барилга, уул уурхай, цахилгаан эрчим хүч, механик болон тээврийн салбар зэрэг үйлдвэрлэлийн голлох салбаруудын хөдөлмөрийн зах зээлийн эрэлт хэрэгцээнд нийцсэн техникийн ур чадвар олгох замаар хөдөлмөрийн бүтээмжийг дээшлүүлэх, ядуу хүмүүсийн цалин орлогыг нэмэгдүүлэхэд чиглэж байгаа юм.
Уг төслийн хүрээнд хийгдэх ажлуудын хүрээнд Мэргэжлийн сургалт үйлдвэрлэлийн төв (МСҮТ) -үүдэд элсэн орогчдыг элсүүлэх үйл явцыг санамсаргүй түүврийн аргаар зохион байгуулж байгаа бөгөөд энэ аргачлалыг улсын хэмжээнд эрэлт ихтэй байдаг 10 МСҮТ дээр туршиж, элсэлтийн үйл ажиллагааг зохион байгуулах ажлыг манай компани амжилттай зохион байгууллаа. Энэ үйл ажиллагааны хүрээнд Улаанбаатар хотын Барилгын коллеж, Монгол-Солонгосын техникийн коллеж болон 7 аймгийн 8 сургуулийн нийт 3000 гаруй 9-р анги, 11-р анги төгсөгчдийг бүртгэж, мэдээллийн сан бүрдүүлсэн бөгөөд уг мэдээллийн сан дээр үндэслэн санамсаргүй түүврийн аргаар элсэгчдийг сонгон авсан юм.
Элсэлтийн үйл ажиллагаа 2 үе шаттайгаар явагдах бөгөөд 2 дахь үе шатны үйл ажиллагаа мөн манай компани зохион байгуулах юм.
